ဘေးအန္တရာယ်ကင်းစေဖို့တွက် ဗန်းမော်ဆရာတော်ဘုရားကြီး ဒေါက်တာဘဒ္ဒန္ကုမာရာဘိဝံသ မိန့်ကြားတော်မူတဲ့ သိဒ္ဓိပေါက် ဘုရားဂုဏ်တော်

ပရိသတ်ကြီးတို့ရေ နိုင်ငံတော်သံဃမဟာနာယကအဖွဲ့၊ ဥက္ကဋ္ဌဆရာတော် အဘိဓဇမဟာရဋ္ဌဂုရု၊ အဘိဓဇအဂ္ဂမဟာသဒ္ဓမ္မဇောတိက ဒေါက်တာဘဒ္ဒန္တကုမာရာဘိဝံသရဲ့ ၂၀၂၃ ခုနှစ်အတွက် နှစ်သစ်ကူးဩဝါဒကထာကို မိန့်ကြားတော်မူခဲ့ခြင်းဖြစ်ပါတယ်။နှစ်သစ်ကူးမင်္ဂလာရှိ၍ ရောဂါတို့မှပျောက်ကင်းစေရန်အလို့ငှာ သိဒ္ဓိပေါက် ဘုရားဂုဏ်တော်(၁၃)ပါး ဂါထာတော်အား ဩဝါဒကထာအဖြစ် မိန့်ကြားတော်မူခဲ့တာပဲဖြစ်ပါတယ်။

“သိဒ္ဓိပေါက် ဘုရားဂုဏ်တော်(၁၃)ပါး
အရဟံ ဗဟိအန္တဇယံ သုဂတံ
အမိတံ ဝိရဇံ လလိတံ အတုလံ။
စရဏံ တိဘဝူပသမံ ယမကံ၊
သုခဒံ သရဏံ ပဏမာမိ ဇိနံ။

(၁) အရဟံ-ပူဇော်အထူးကို ခံယူတော်မူထိုက်သော မြတ်စွာဘုရားကို၊ အဟံ-တပည့်တော်သည်၊ ပဏမာမိ-ရှိခိုးပါ၏

(၂) ဗဟိအန္တဇယံ-အတွင်းအပရန်ကို အောင်မြင်သော မြတ်စွာဘုရားကို၊ ပဏမာမိ-ရှိခိုးပါ၏၊

(၃) သုဂတံ-ကောင်းသောစကားကို ဆိုတော်မူသောမြတ်စွာဘုရားကို၊ ပဏမာမိ-ရှိခိုးပါ၏၊

(၄) အမိတံ-မနှိုင်းယှဉ်နိုင်သော တန်ခိုးရှိတော်မူသော မြတ်စွာဘုရားကို၊ ပဏမာမိ-ရှိခိုးပါ၏၊

(၅) ဝိရဇံ-ကိလေသာမြူ ကင်းတော်မူသော မြတ် စွာဘုရားကို၊ ပဏမာမိ-ရှိခိုးပါ၏၊

(၆) လလိတံ-တင့်တယ် သပ္ပာယ်တော်မူသော မြတ်စွာဘုရားကို၊ ပဏမာမိ-ရှိခိုးပါ၏၊

(၇) အတုလံ-အတုမရှိသော မြတ်စွာ ဘုရားကို၊ ပဏမာမိ-ရှိခိုးပါ၏၊

(၈) စရဏံ-အကျင့်စရဏနှင့် ပြည့်စုံတော်မူသော မြတ်စွာဘုရားကို၊ ပဏမာမိ-ရှိခိုးပါ၏၊

(၉) တိဘဝူပသမံ-ဘုံသုံးပါး၌ ကိလေသာမြူ ငြိမ်းအေးတော်မူသော မြတ်စွာဘုရားကို၊ ပဏမာ မိ-ရှိခိုးပါ၏၊

(၁၀) ယမကံ-ရေမီးအစုံ တံခိုးပြာဋိဟာနှင့် ပြည့်စုံတော်မူသော မြတ်စွာဘုရားကို၊ ပဏမာမိ -ရှိခိုး ပါ၏၊

(၁၁) သုခဒံ-ချမ်းသာအဝဝကို ပေးစွမ်းနိုင်သော မြတ်စွာဘုရားကို၊ ပဏမာမိ-ရှိခိုးပါ၏၊

(၁၂) သရဏံ-ကိုးကွယ်အားထားရာဖြစ်သော မြတ်စွာဘုရားကို၊ ပဏမာမိ-ရှိခိုးပါ၏၊

(၁၃) ဇိနံ-မာရ်ငါးပါးကို အောင်မြင်တော်မူသော မြတ်စွာဘုရားကို၊ ပဏမာမိ-ရှိခိုးပါ၏၊

ဘုရားဂုဏ်တော်ပွားများသောသူသည် အစစ ဆောင်ရွက်သမျှကိစ္စတွေ ပြီးမြောက်သည်။သိဒ္ဓိ ပေါက်တန်ခိုးရရှိပေသည်။ မြန်မာနိုင်ငံအတွင်း မှီတင်းနေထိုင်သူများအားလုံးနီးပါး ဘုရားရှင်၏တန်ခိုးတော်ကြောင့် ကိုဗစ်(၁၉)ရောဂါ ကမ္ဘာမှာ အနည်းဆုံးလောက် ကင်းရှင်းကြပေသည်။

လူတိုင်းရွတ်ဖတ်ပွားများကြလျှင် မြန်မာနိုင်ငံ၌ ကိုဗစ်(၁၉)ရောဂါ လုံးဝပျောက်ကွယ်သွားမည်ဟု ယုံကြည်ပါသည်။သို့အတွက် နှစ်သစ်ကူးမင်္ဂလာရှိ၍ ရောဂါဆိုးတို့မှ ပျောက်ကင်းသွားအောင် လူတိုင်းလူတိုင်း ဤသိဒ္ဓိပေါက်ဂါထာကို ရွတ်ဖတ်ကြပါ”ဟု ဗန်းမော်ဆရာတော်ကြီးမှ နှစ်သစ်ကူးသြဝါဒကထာ၌ တိုက်တွန်းနှိုးဆော်ခဲ့သည်။